ទីក្រុងតូក្យូ៖ នាថ្ងៃទី១៩ ខែសីហា ឆ្នាំ២០២៦ ដោយទទួលបានការអនុញ្ញាតដ៏ខ្ពង់ខ្ពស់ពីថ្នាក់ដឹកនាំ នៃអគ្គលេខាធិការដ្ឋាន អាជ្ញាធរជាតិប្រយុទ្ធប្រឆាំងគ្រឿងញៀន បានចាត់បញ្ជូន មន្ត្រីជំនាញ នៃនាយកដ្ឋានអនុវត្តច្បាប់ ចូលរួមក្នុងវគ្គបណ្តុះបណ្តាលស្តីពី «ការត្រួតពិនិត្យបទល្មើសគ្រឿងញៀន» (Control of Drug Offences) ដែលមានរយៈពេល២សប្ដាហ៍ចាប់ពីថ្ងៃទី២០ ខែសីហា ដល់ថ្ងៃទី០៤ ខែកញ្ញា ឆ្នាំ២០២៦ នៅទីក្រុងតូក្យូ ប្រទេសជប៉ុន។វគ្គបណ្តុះបណ្តាលនេះ រៀបចំឡើងក្នុងគោលបំណង ចែករំលែកបទពិសោធន៍ជាក់ស្តែង ពង្រឹងសមត្ថភាពលើជំនាញស៊ើបអង្កេត ការរឹតបន្តឹងនិងទប់ស្កាត់ការចរាចរគ្រឿងញៀនតាមច្រកព្រំដែន ព្រមទាំងបង្កើនកិច្ចសហប្រតិបត្តិការ និងទំនាក់ទំនងរវាងបណ្តាប្រទេសក្នុងតំបន់ និងអន្តរជាតិ។ក្នុងឱកាសនោះ តំណាងសិក្ខាកាមកម្ពុជា បានឡើងធ្វើបទបង្ហាញអំពី «របាយការណ៍ស្ថានភាពគ្រឿងញៀននៅកម្ពុជា» (Country Report) ដោយបានរំលេចពីលទ្ធផលការងារ បទពិសោធន៍ល្អៗ និងខិតខំប្រឹងប្រែងរបស់រាជរដ្ឋាភិបាលកម្ពុជា ក្នុងការទប់ស្កាត់ និងបង្ក្រាបបទល្មើសគ្រឿងញៀន ផងដែរ។វគ្គបណ្តុះបណ្តាលនេះ រៀបចំឡើងដោយទីភ្នាក់ងារសហប្រតិបត្តិការអន្តរជាតិនៃប្រទេសជប៉ុន (JICA) សហការជាមួយភ្នាក់ងារនគរបាលជាតិជប៉ុន (NPA) ដោយមានការចូលរួមពីមន្ត្រីអនុវត្តច្បាប់សរុបចំនួន ១៤ រូប មកពី ១៣ ប្រទេស រួមមាន៖ កម្ពុជា, ហ្វីជី, ហ្ស៊កដានី, លីបេរីយា, ម៉ាឡេស៊ី, ម៉ាល់ឌីវ, មីក្រូណេស៊ី, នីហ្សេរីយា, សាម៉ូអា, ស្រីលង្កា, អ៊ុយក្រែន, អេត្យូពី និងតៃវ៉ាន់។