រាជធានីភ្នំពេញៈ ថ្ងៃពុធ ១៤ថ្ងៃកោរ ខែបឋមាសាឍឆ្នាំច សំរឹទ្ធិសក ពុទ្ធសករាជ២៥៦២ ត្រូវនឹងថ្ងៃទី១១ខែកក្កដា ឆ្នាំ២០១៨ នៅអគ្គលេខាធិការដ្ឋាន អាជ្ញាធរជាតិ ប្រយុទ្ធប្រឆាំងគ្រឿងញៀន បានបើកិច្ចប្រជុំពិនិត្យលើសេចក្ដីព្រាងរបាយការណ៍ ស្ដីពីលទ្ធផលការងារត្រួតពិនិត្យគ្រឿងញៀន ប្រចាំខែមិថុនា ឆ្នាំ២០១៨ និងលើកទិសដៅការងារខែកក្កដា ឆ្នាំ២០១៨
ក្រោមអធិបតីភាព ឯកឧត្ដម នាយឧត្ដមសេនីយ៍ លី គឹមឡុង អគ្គលេខាធិការស្ដីទី នៃអគ្គលេខាធិកាដ្ឋាន
អាជ្ញាធរជាតិ ប្រយុទ្ធប្រឆាំងគ្រឿងញៀន ។
អញ្ជើញចូលរួមមាន លោក លោកស្រី អគ្គលេខាធិការរង លោក លោស្រីជាមន្ត្រីនៃអគ្គលេខាធិការដ្ឋានអាជ្ញាធរជាតិ ប្រយុទ្ធប្រឆាំងគ្រឿងញៀន សរុប២៣រូប ។
របៀបវារៈនៃកិច្ចប្រជុំមានៈ
១.មតិដឹកនាំកិច្ចប្រជុំ ដោយ ឯកឧត្ដម នាយឧត្ដមសេនីយ៍ លី គឹមឡុង អគ្គលេខាធិការស្ដីទី ។
២.របាយការណ៍ដោយសង្ខេបនូវលទ្ធផលៈ ចូលរួមសិក្ខាសាលា ស្ដីពីភូមិគ្មានគ្រឿងញៀន តាមព្រំដែនកម្ពុជា-ឡាវ និងកម្ពុជា-ថៃ ដែលរៀបចំដោយក្រុមប្រឹក្សាត្រួតពិនិត្យគ្រឿងញៀនថៃ ONCB កាលពីថ្ងៃទី១៨-២០ នៅខេត្តអ៊ូប៊ុន ប្រទេសថៃ ។ ចូលរួមកិច្ចប្រជុំលើកទី៤ របស់មជ្ឈមណ្ឌលព័ត៌មាន និងសម្របសម្រួលសម្រាប់ការងារប្រយុទ្ធប្រឆាំងគ្រឿងញៀនអាស៊ីប៉ាស៊ីហ្វិក (APICC) ដែលរៀបចំដោយ APICCកាលពីថ្ងៃទី២៨-៣១ ឧសភា ឆ្នា២០១៨ នៅទីក្រុងហាណូយ ប្រទេសវៀតណាម ។ ចូលរូមក្នុងវគ្គបណ្ដុះបណ្ដាល ស្ដីពីការស៊ើបអង្កេត និងលុបបំបាត់ ឧក្រិដ្ឋកម្មគ្រឿងញៀន ដែលរៀបចំដោយភ្នាក់ងារសហប្រតិបត្តិការអន្តរជាតិកូរ៉េ KOICA ពីថ្ងៃទី១៧ ខែមិថុនាដល់ថ្ងៃទី០៧ ខែកក្កដា ឆ្នា២០១៨ នៅសាធារណៈរដ្ឋកូរ៉េ ។
៣.ពិនិត្យ និងកែសម្រួល លើសេចក្ដីព្រាងរបាយការណ៍ ស្ដីពីលទ្ធផលកាងារត្រួពិនិត្យគ្រឿងញៀន ខែមិថុនា ឆ្នា២០១៨ និងលើកទិសដៅការងារ ខែកក្កដាឆ្នាំ២០១៨ ។
៤.ពិនិត្យលើខ្លឹមសារសេចក្ដីព្រាងផែនការរយៈពេល៥ឆ្នាំ (២០១៩-២០២៣) នៃគម្រោងសម្របសម្រួលសុវត្ថិភាពទន្លេមេគង្គ ។
៥.មតិបូកសរុបណែនាំបិទអង្គប្រជុំ ដោយ ឯកឧត្ដមនាយឧត្ដមសេនីយ៍ លី គឹមឡុង អគ្គលេខាធិការស្ដីទីនៃអគ្គលេខាធិការដ្ឋាន អាជ្ញាធរជាតិ ប្រយុទ្ធប្រឆាំងគ្រឿងញៀន ៕
