រាជធានីភ្នំពេញ និងខេត្តកណ្តាល ៖ថ្ងៃទី០៣ ខែធ្នូ ឆ្នាំ២០១៩ ក្រោមការគិតគូរសួរសុខទុក្ខរបស់ថ្នាក់ដឹកនាំរបស់អាជ្ញាធរជាតិប្រយុទ្ធប្រឆាំងគ្រឿងញៀនពិសេសឯកឧត្តម នាយឧត្តមសេនីយ៍ កែ គឹមយ៉ាន ឧបនាយករដ្ឋមន្ត្រី ប្រធានអាជ្ញាធរជាតិប្រយុទ្ធប្រឆាំងគ្រឿងញៀន ក្រុមការងារដឹកនាំដោយឧត្តមសេនីយ៍ឯក ជ័យ បុប្ផា បានចុះសួរសុខទុក្ខក្រុមគ្រួសារសពយុវជនសម សុវិននៅរាជធានីភ្នំពេញ និងឡុង កែវវិសិដ្ឋ នៅខេត្តកណ្តាល ដែលទទួលរងឧបទ្ទវហេតុពុលចំណីអាហារកាលពីថ្ងៃទី១ ខែធ្នូ ឆ្នាំ២០១៩ ។
ថ្លែងក្នុងនាម ថ្នាក់ដឹកនាំ អាជ្ញាធជាតិប្រយុទ្ធប្រឆាំងគ្រឿងញៀន លោកជំទាវ ឧត្តមសេនីយ៍ឯក ជ័យ បុប្ផា បានសម្តែងនូវសមាណទុក្ខ ក្រៀមក្រំជាមួយក្រុមគ្រួសារសពយុវជនសម សុរិន និងឡុង កែវវិសិដ្ឋ ដែលបានទទួលរងគ្រោះនូវឧបទ្ទវហេតុពុលចំណីអាហារ ថាជារឿងអកុសលហេីយបញ្ហាគ្រឿងញៀនជាបញ្ហាស្មុគស្មាញដែលរាជរដ្ឋាភិបាល និងអាជ្ញាធរជាតិប្រយុទ្ធប្រឆាំងគ្រឿងញៀនបានខិតខំបង្ការ និងព្យាបាលអ្នកញៀនគ្រឿងញៀននិងបង្រ្កាបបទល្មេីសគ្រឿងញៀនដេីម្បីសុខមាលភាព និងអនាគតភ្លឺស្វាងរបស់ប្អូនៗទាំងអស់គ្នា។
ក្នុងឱកាសនោះដែរ លោកជំទាវ ឧត្តមសេនីយ៍ឯក ជ័យ បុប្ផា បានប្រគល់ថវិការបស់អាជ្ញាធរជាតិប្រយុទ្ធប្រឆាំងគ្រឿងញៀនចូលជាបច្ច័យរំលែកទុក្ខដល់ក្រុុមគ្រួសារយុវជនទាំងពីរនូវទឹកប្រាក់មួយចំនួនជាការរំលែកទុក្ខនិងសូមបួងសួងឲ្យដួងវិញ្ញាណខ័ន្តប្អូនប្រុសទាំងពីរបានទៅកាន់សុគតិភពកុំបីឃ្លៀងឃ្លាតទ្បើយ។
