ស្ទឹងត្រែង៖ ថ្ងៃចន្ទ ១២កើត ខែកក្តិក ឆ្នាំច សំរឹទ្ធិស័ក ពុទ្ធស័ករាជ២៥៦២ ត្រូវនឹងថ្ងៃទី១៩ ខែវិច្ឆិកា ឆ្នាំ២០១៨ ឯកឧត្តម នាយឧត្តមសេនីយ៍ មាស វីរិទ្ធ អគ្គលេខាធិការ នៃអគ្គលេខាធិការដ្ឋានអាជ្ញាធរជាតិប្រយុទ្ធប្រឆាំងគ្រឿងញៀន ឯកឧត្តម យុង សុវឌ្ឍនា អភិបាលរងខេត្ត ស្ទឹងត្រែង និង លោក ចារ៉េ ប៉ុកប៉ា មន្ត្រីជាន់ខ្ពស់ ទទួលបន្ទុកត្រួតពិនិត្យគ្រឿងញៀននៃស្ថានទូតថៃ ប្រចាំកម្ពុជា អញ្ជើញជាអធិបតីក្នុងពិធីបើកវគ្គបណ្តុះបណ្តាលស្តីពី ការអនុវត្តច្បាប់គ្រឿងញៀន ដោយមានការចូលរួមពី មន្ត្រីនគរបាលខេត្ត មន្ត្រីកងរាជអាវុធហត្ថខេត្ត មន្ត្រីពន្ធនាគារ មន្ត្រីយោធាឈរជើងនៅតាមព្រំដែន មន្ត្រីគយនិងកាំកុងត្រូល មេឃុំ/ក្រុមប្រឹក្សាឃុំ មន្ត្រីនគរបាលវរៈការពារព្រំដែន មន្ត្រីនគរបាលអន្តោប្រវសន៍ច្រកទ្វារ ស្នាក់ការច្រកខេត្ត។ វគ្គបណ្តុះបណ្តាលនេះនឹងប្រព្រឹត្តទៅរយៈពេល ០២ថ្ងៃ ចាប់ពីថ្ងៃទី១៩ដល់ថ្ងៃទី២០ ខែវិច្ឆិកា ឆ្នាំ២០១៨។
