រាជធានីភ្នំពេញ:ថ្ងៃទី៩ ខែកក្កដា ឆ្នាំ២០១៨ អគ្គលេខាធិការដ្ឋាននៃអាជ្ញាធរជាតិប្រយុទ្ធប្រឆាំងគ្រឿងញៀន និងសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច បើកវគ្កផ្សព្វផ្សាយពីបញ្ហាគ្រឿងញៀនដល់និស្សិតថ្នាក់ឆ្នាំមូលដ្ឋានចំនួន១៤០នាក់ ក្រោមអធិបតីភាពឯកឧត្តម នាយឧត្តមសេនីយ៍ មាស វិរិទ្ធ អគ្គលេខាធិការនៃអាជ្ញាធរជាតិប្រយុទ្ធប្រឆាំងគ្រឿងញៀន និងលោក យិត សូវួច សាកលវិទ្យាធិការរងនៃសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច ។
លោកយិត សូវួច សាកលវិទ្យាធិការរងបានមានប្រសាស៍ថា ដើម្បីអនុវត្តតាមលក្ខខណ្ឌរបស់គណកម្មាធិការទទួលស្គាល់គុណភាពអប់រំនៅកម្ពុជា(ACC)និងផ្តល់ការយល់ដឹងពីបញ្ហាទូទៅដែលពាក់ព័ន្ធនឹងគ្រឿងញៀនដល់និស្សិតយើងទាំងអស់ដែលមានវត្តមានចូលរួមនៅថ្ងៃនេះ ។
ក្នុងឱកាសនោះ ឯកឧត្តម នាយឧត្តមសេនីយ៍ មាស វិរិទ្ធ អគ្គលេខាធិការ បានមានប្រសាសន៍ថា ” ការលុបបំបាត់បញ្ហាគ្រឿងញៀនគឺផ្តើមចេញពីយើងម្នាក់ៗ” ដែលតម្រូវឲ្យមានការចូលរួមពីយើងទាំងអស់គ្នា ហើយប្អូនៗមានវត្តមាននៅទីនេះគឺសំខាន់ណាស់សម្រាប់ការពារខ្លួនឯង ការពារក្រុមគ្រួសារតាមរយះការទទួលបានចំណេះដឹងនៅថ្ងៃនេះទៅផ្សព្វផ្សាយបន្តដល់ក្រុមគ្រួសារនិងមនុស្សជាទីស្រលាញ់កុំឲ្យធ្លាក់ចូលទៅក្នុងអន្ទាក់នៃគ្រឿងញៀន។
