ឯកឧត្តម នាយឧត្តមសេនីយ៍ កែ គឹមយ៉ាន “សមត្ថកិច្ចពាក់ពន្ធ័ទាំងអស់គួរធ្វើការងារតាមតួនាទីភារកិច្ច កុំធ្វើតាមបទបញ្ជា “។
រាជធានីភ្នំពេញ: ព្រឹកថ្ងៃទី៣១ ខែតុលា ឆ្នាំ២០១៨ ឯកឧត្តម នាយឧត្តមសេនីយ៍ កែ គឹមយ៉ាន ប្រធានអាជ្ញាធរជាតិប្រយុទ្ធប្រឆាំងគ្រឿងញៀនបានដឹកនាំកិច្ចប្រជុំពេញអង្អអាជ្ញាធរជាតិប្រយុទ្ធប្រឆាំងគ្រឿងញៀនដោយមានការអញ្ជើញចូលរួមពីឯកឧត្តម លោកជំទាវ លោក លោកស្រី ជាតំណាងក្រសួង ស្ថាប័ន ជាអនុប្រធាន សមាជិក អាជ្ញាធរជាតិប្រយុទ្ធប្រឆាំងគ្រឿងញៀន អគ្គលេខាធិការដ្ឋានអាជ្ញាធរជាតិប្រយុទ្ធប្រឆាំងគ្រឿងញៀន និងក្រុមការងារអន្តរក្រសួង សរុប៨០រូប ។
ក្នុងឱកាសនោះ ឯកឧត្តម នាយឧត្តមសេនីយ៍ កែ គឹមយ៉ាន បានថ្លែងស្វាគមន៍ដល់ក្រសួងត្រូវបានតម្លើងជាអនុប្រធាន និងសមាជិកថ្មីរបស់អាជ្ញាធរជាតិប្រយុទ្ធប្រឆាំងគ្រឿងញៀន និងឥស្សរជនដែលត្រូវបានតែងតាំងជាអនុប្រធានអាជ្ញាធរជាតិប្រយុទ្ធប្រឆាំងគ្រឿងញៀនថ្មី ។
ក្នុងឱកាសនោះដែរ ឯកឧត្តម នាយឧត្តមសេនីយ៍ កែ គឹមយ៉ាន បានប្រសាសន៍បន្ថែមថា ការជួបប្រជុំគ្នាថ្ងៃនេះ មានកិច្ចការសំខាន់ពីរ គឺផ្សព្វផ្សាយព្រះរាជក្រឹត្យស្តីពីការរៀបចំនិងការប្រព្រឹត្តទៅនៃអាជ្ញាធរជាតិប្រយុទ្ធប្រឆាំងគ្រឿងញៀនដែរទើបទទួលបានការកែសម្រួលថ្មីពង្រឹងប្រសិទ្ធភាពការងារនិងឆ្លងរបាយការណ៍នព្វមាស(០៩ខែ)របស់អាជ្ញាធរជាតិប្រយុទ្ធប្រឆាំងគ្រឿងញៀន ។
ជាមួយគ្នានេះ ឯកឧត្តម នាយឧត្តមសេនីយ៍ កែ គឹមយ៉ាន បានថ្លែងបន្តដោយសង្កត់ធ្ងន់ថា “សមត្ថកិច្ចពាក់ពន្ធ័ទាំងអស់គួរធ្វើការងារតាមតួនាទីភារកិច្ច កុំធ្វើតាមបទបញ្ជា “។
