ស្ទឹងត្រែង:ព្រឹកថ្ងៃទី៧ ខែកុម្ភៈ ឆ្នាំ២០២១ នៅសាលាខេត្តស្ទឹងត្រែង មានរៀបចំកិច្ចប្រជុំត្រួតពិនិត្យការងារការិយាល័យទំនាក់ទំនងព្រំដែនBLOនិងការងារភូមិស គ្មានគ្រឿងញៀន ក្រោមអធិបតីភាព ឯកឧត្ដម ឧត្តមសេនីយ៍ឯក នាក់ យុទ្ធា អគ្គលេខាធិការរងនៃអាជ្ញាធរជាតិប្រយុទ្ធប្រឆាំងគ្រឿងញៀន និងឯកឧត្តម យង់ សុវឌ្ឍនា អភិបាលរងប្រធានលេខាធិការដ្ឋានគណកម្មាធិការត្រួតពិនិត្យគ្រឿងញៀនខេត្តស្ទឹងត្រែង។ ដែលកិច្ចប្រជុំនេះប្រព្រឹត្តទៅក្រោមវត្តមានចូលរួមតំណាងអង្គភាពាក់ព័ន្ធចូលរួមពីអគ្គលេខាធិការដ្ឋានអាជ្ញាធរជាតិប្រយុទ្ធប្រឆាំងគ្រឿងញៀន តំណាងអង្គភាពនៃគណកម្មាធិការត្រួតពិនិត្យគ្រឿងញៀនខេត្ត ក្រុង ស្រុក ឃុំ សង្កាត់ពាក់ព័ន្ធនឹងយន្តការការិយាល័យទំនាក់ទំនងព្រំដែនBLOនិងភូមិសគ្មានគ្រឿងញៀន ភូមិលេី ភូមិខាំផាន់ ចូលរួមសរុប៤០រូប។ក្រោយកិច្ចប្រជុំនោះ មានពិធីប្រគល់-ទទួលសម្ភាររដែលជាជំនួយឧបត្ថម្ភរបស់UNODC សម្រាប់BLOត្រពាំងក្រៀលខេត្តស្ទឹងត្រែង ផងដែរ។
